Ndërkohë që teknologjia po pushton botën, jemi të detyruar të përshtasim rutinën tonë dhe të mësojmë aftësi të reja. Në Holandë një sistem i ri shkollor bazuar në iPads i lejon fëmijët të vendosin vetë ritmet e mësimit.
Koha e lojës ka përfunduar për fëmijët në shkollën fillore Digitalis, në Almere, rreth 40 km në lindje të Amsterdamit. Mësuesit i thërrasin fëmijët të rikthehen në klasë. Por mbi banka ata nuk nxjerrin libra, por tableta.
Digitalis është një nga shtatë shkollat fillore që janë hapur këtë vit akademik në Holandë, ku gjithçka bëhet duke përdorur teknologjinë digjitale: librat janë të rrallë këtu. Ideja për këto shkolla vjen nga sipërmarrësi holandez Maurice de Hond. Ai thotë se nuk kishte arritur të gjente një shkollë që të përgatiste si duhet vajzën e tij katërvjeçare për një të ardhme, ku teknologjia luan një rol kyç.
"Nëse i hedh sot një vështrim zyrave, nuk ka më orare fikse nga 8:30 deri në 5:00. Bëhet fjalë më shumë për performancën. Kjo mënyrë moderne pune është bërë e mundur nga bota digjitale, sepse edhe kur je në shtëpi, je i lidhur me zyrën dhe kolegët. Pra kjo është bota, për të cilën duhet të pregatisim fëmijët dhe ne duam ta organizojmë në këtë drejtim shkollën, duke i bërë fëmijët shumë më të pavarur dhe të përgjegjshëm", thotë de Hond.
No comments:
Post a Comment